ഈയിടെ സിസ്റ്റര്‍ ജെസ്മി എഴുതിയ ഞാനും ഒരു സ്ത്രീ എന്ന പുസ്തകം വായിക്കാന്‍ ഇടയായി. അതില്‍ ഒരു പ്രത്യേക സ്നേഹത്തെക്കുറിച്ച് പറയുന്നുണ്ട്. ഒരുപാട് വിവാദങ്ങള്‍ സൃഷ്ടിച് കന്യാ സ്ത്രീ മഠത്തില്‍ നിന്നും ഇറങ്ങി പ്പോന്ന സിസ്റ്റര്‍ പ്രത്യേക സ്നേഹത്തെപ്പറ്റി എഴുതിയത് വായിച്ചപ്പോള്‍ അഞ്ച് ആറ്‌ ഏഴ്‌ ഖ്ലാസ്സുഖ്‌അളില്‍ ഒരു കോണ്‍വെന്റ് സ്കൂളില്‍ പഠിച്ചത് ഓര്മ വന്നു.
പ്രത്യേക സ്നേഹത്തെ കുറിച്ച ഒരു വാക്ക്. രണ്ടു കന്യാ സ്ത്രീകള്‍ തമ്മില്‍ മാത്രമുള്ള സ്നേഹത്തിനാണ്‌ മഠത്തില്‍ പ്രത്യേക സ്നേഹമെന്ന് രഹസ്യപ്പെരുള്ളത്. കുറച്ചു കൂടെ നല്ല മലയാളത്തില്‍ പറഞ്ഞാല്‍ സ്വവര്‍ഗാനുരാഗികള്‍.
ഈ മഞ്ഞപ്പിത്തം ഉള്ള ആള്‍ക് എല്ലാം മഞ്ഞയായി കാണും എന്ന് പറയുമ്പോലെ ഉള്ള ഒരു കാര്യമാണിത്. ഒരു പന്ത്രണ്ടു കൊല്ലം മുന്പ് നടന്ന സംഭവമാണ്. ഞാന്‍ അഞ്ചാം ക്ലാസ്സില്‍ വീടിനടുത്തുള്ള കോണ്‍വെന്റ് സ്കൂളില്‍ ചേര്‍ന്നു. അഞ്ചാം ക്ലാസ് എന്ന് പറയുമ്പോള്‍ ഒരു പത്തു പതിനൊന്നു വയസ്സ് പ്രായം ഉഹിക്കാം . അന്നൊക്കെ നമ്മുടെ അടുതിരിക്കുന്നവരയിരിക്കും നമ്മുടെ ബെസ്റ്റ് ഫ്രണ്ട്. എന്നെ പോലെ പല സ്കൂളുകളില്‍ നിന്നും 'ന്യൂ കമ്മേര്സ് ' കുട്ടികളും വന്നിടുണ്ട്. അവിടെത്തന്നെ പഠിച്ച കുട്ടികളും അഞ്ചാം ക്ലാസ്സില്‍ എത്തിയിട്ടുണ്ട്. എന്റെ അടുത്തിരുന്നത് മിനി എന്ന കുട്ടിയാണ്. ഞാന്‍ ആ കുട്ടിയുമായി കൂട്ടായി.. അതും പുതിയ കുട്ടി ആയിരുന്നു,, അങ്ങിനെ വന്നവരെല്ലാം പരിചയപ്പെട്ടു, കൂട്ട് കൂടി. ഞങ്ങള്‍ ആറിലേക്ക് ജയിച്ചു...
ഇനിയാണ് സംഭവ വികാസങ്ങള്‍.... ഞങ്ങളുടെ ക്ലാസ്സില്‍ എഴുപത്തിരണ്ട് കുട്ടികളുണ്ടായിരുന്നു. സ്വാഭാവികമായും പെണ്‍കുട്ടികളുടെ ഓരോ ഗ്രൂപ്പ്‌ ആയിട്ടായിരുന്നു കൂട്ടുകെടു.
ക്ലാസ്സില്‍ ടീച്ചര്‍ ഇല്ലാത്ത സമയത്ത് വര്‍ത്താനം പറഞ്ഞാല്‍ ലീഡര്‍ പേരെഴുതി ടീച്ചറിന്റെ കയ്യില്‍ കൊടുക്കും. അപ്പോള്‍ ഞങ്ങള്‍ പറയാനുള്ളത് പേപ്പറില്‍ എഴുതി പരസ്പരം കൊടുക്കുമായിരുന്നു. അങ്ങനെ ഒരു ദിവസം ഈ തുണ്ട് കടലാസ്സില്‍ എഴുതിക്കൊടുക്കുന്നതും കണ്ടാണ്‌ ഞങ്ങളുടെ ഒരു സിസ്റ്റര്‍ ക്ലാസ്സില്‍ വന്നു കയറുന്നത്. സിസ്റ്റര്‍ ആ കുറിപ്പ് പിടിച്ചു.. സോഷ്യല്‍ ടെക്സ്റ്റ്‌ ബുക്ക്‌ കൊണ്ട് വന്നോ എന്നോ മറ്റോ ആയിരുന്നു ആ കടലാസ്സില്‍.
ഞങ്ങളെയെല്ലാം ഞെട്ടിച്ചു കൊണ്ട് സിസ്റ്റര്‍ ആ കുട്ടികളെ ചീത്ത പറയാന്‍ തുടങ്ങി. അതായത് പൊരിഞ്ഞ വഴക്ക്. എന്ന് തുടങ്ങിയെടി ഇത്? നിനക്കെന്താടി അവളോട മിണ്ടാതിരിക്കാന്‍ പറ്റില്ലേ.. മൊട്ടേന്നു വിരിയനതിനു മുന്‍പേ ഇതാണെങ്കില്‍ നീയൊക്കെ വലുതായാല്‍ എന്താവും, എന്നൊക്കെ പറഞ്ഞു ഒരു പത്തു വയസ്സുകരിയോടു പറയാന്‍ കൊള്ളാത്തത് വരെ അവര്‍ പറഞ്ഞു...
പിന്നെ ബാക്കി പിള്ലെരോടായി ചാട്ടം. ആരൊക്കെ ഇങ്ങനെ എഴുതിക്കൊടുക്കുനുണ്ട് അങ്ങനെ എല്ലാരേം വഴക്ക് പറഞ്ഞു ഒരു ആറേഴു കുട്ടികളെ ആ സിസ്റ്റര്‍ നിര്‍ത്തി പൊരിച്ചു. പ്രിന്സിപ്പിലും ഒരു സിസ്റ്റര്‍ ആയിരുന്നു... തോന്നും തോന്നും അവടേം കംപ്ലൈന്റ്റ്‌ ചെയ്തു പ്രിന്സിപ്പിലും വന്നു ഞങ്ങളുടെ ക്ലാസ്സിനെ ചീത്ത പറഞ്ഞു.
അവസാനം സിസ്റെര്സ് അത് ലവ് ലെറ്റര്‍ എഴുതി എന്നാക്കി.. അന്ന് എന്റെ കുഞ്ഞു ബുദ്ധിയില്‍ തോന്ന്യത് അത് ആണ്കുട്ടികല്‍ക്കല്ലേ കൊടുക്കുക എന്നാണ്... അല്ലേലും പെണ്‍കുട്ടികള്‍ പരസ്പരം ലവ് ലെറ്റര്‍ എഴുതണ്ട കാര്യമില്ലലോ....
പത്താം വയസില്‍ ലെസ്ബിയനിസത്തെ പറ്റി എന്ത് അറിയാന? അങ്ങിനെ കത്തെഴുതി എന്ന് പറയുന്ന കുട്ടികള്‍ തമ്മില്‍ മേലില്‍ മിണ്ടിപ്പോകരുത്, ഒരുമിച്ചു നടക്കരുത്, എന്ന് തുടങ്ങുന്ന കുറെ നിബന്ധനകളുടെ പേരില്‍ ഒത്തു തീര്‍പ്പാക്കി...
തന്റെ ഏറ്റവും പ്രിയപ്പെട്ട കൂട്ടുകാരിയോട് മിണ്ടാന്‍ പോലും ആകാതെ കുറെ കുട്ടികള്‍ അവിടെ തുടര്‍ന്ന് പഠിച്ചു,, തങ്ങള്‍ എന്ത് തെറ്റാണു ചെയ്തത് എന്ന് പോലും മനസിലാകാതെ...
ഈ പന്ത്രണ്ടു വര്‍ഷങ്ങള്‍ക്കു ശേഷം ഞാനും ഒരു സ്ത്രീ വായിച്ചപ്പോഴാണ് എനിക്ക് അതിന്റെ ഉത്തരം കിട്ടിയത്... മഞ്ഞപ്പിത്തം ബാധിച്ചവര്‍ക്ക്‌ എല്ലാം മഞ്ഞയായി തോന്നും .
