ത്രിശങ്കു സ്വര്‍ഗം എന്ന വാക്ക് മലയാളികള്‍ പലപ്പോഴും ഉപയോഗിക്കാറുണ്ട്. ഈ ഗവര്‍ന്മെന്റ് സ്ഥാപനഗളില്‍ ഓരോ ആവശ്യങ്ങള്‍ക്ക് പോകുമ്പോള്‍ അവിടെയുള്ള പല സെക്ഷനുകളിലെക്കും ഓടിച്ചു സാധാരണക്കാരനെ വട്ടം കറക്കാറുണ്ട്. പോയ കാര്യം എന്തായി എന്ന വിട്ടുകാരിയുടെ ചോദ്യത്തിന് "ത്രിശങ്കു സ്വര്‍ഗത്തില്‍ പെട്ട അവസ്ഥ യെടി " എന്നാവും മിക്ക കണവന്മാരും പറയുക.അതായത് അങ്ങോട്ടും ഇല്ല ഇങ്ങോട്ടും ഇല്ലാത്ത അവസ്ഥ. എന്താണ് ഈ ത്രിശങ്കു സ്വര്‍ഗം???
അയോധ്യയിലെ രാജാവായിരുന്നു ത്രിശങ്കു. പുള്ളിക്ക് പെട്ടന്നോരഗ്രഹം. ഉടലോടെ സ്വര്‍ഗത്തില്‍ പോണം. (നടക്കണ കാര്യമാണോ??) .. എന്തായാലും പുള്ളി ആഗ്രഹം കുല ഗുരുവായ വസിഷ്ഠ മഹര്‍ഷിയെ അറിയിച്ചു. മഹര്‍ഷി ആദ്യം നേരെ പാട്ടിനു പറഞ്ഞു " ജീവിതത്തില്‍ സല്പ്രവൃതികള്‍ ചെയ്താല്‍ മരണ ശേഷം സ്വര്‍ഗ്ഗവും ദുഷ്പ്രവൃതികള്ക് നരഗവും കിട്ടും. ഈ ആഗ്രഹം ബുദ്ധിമുട്ടാണ് മൈ ഡിയര്‍ സണ്‍."
ത്രിശങ്കു രാജാവല്ലേ....(രാജവിനോക്കെ എന്തും ആവല്ലോ ) രാജാവ് നേരെ വസിഷ്ടന്റെ ശത്രു വിശ്വാമിത്ര മഹര്‍ഷിയുടെ അടുത്ത് ചെന്നു. (മഹര്‍ഷിമാരായിട്ട് എന്താ കാര്യം? അവിടെയും ഈഗോ കോമ്പ്ലെക്സ്നു ഒരു കുറവും ഇല്ല.) മറ്റെപ്പുള്ളി (വസിഷ്ടന്‍ ) പറ്റില്ലാന്നു പറഞ്ഞത് അറിഞ്ഞതോടെ വിശ്വാമിത്രനു വാശിയായി. സ്വര്‍ഗത്തില്‍ പോകാന്‍ (ഉടലോടെ ) വേണ്ട യാഗം നടത്താന്‍ റെഡി ആയിക്കൊളന്‍ രാജാവിനോട് പറഞ്ഞു. രാജാവ് ഹാപ്പി ആയി. അങ്ങിനെ യാഗം തുടങ്ങി. യാഗത്തിന്റെ പരിസമാപ്തിയില്‍ വിശ്വാമിത്ര മഹര്‍ഷി തന്റെ മന്ത്ര ശക്തി കൊണ്ട് രാജാവിനെ ഉടലോടെ സ്വര്‍ഗതിലെക്കയച്ചു. ഫ്രീ പാസ്സില്‍ സ്വര്‍ഗത്തിലേക്ക് വരുന്ന ത്രിശങ്കുവിനെ കണ്ടപ്പോള്‍ ദേവേന്ത്രന് പിടിച്ചില്ല. കക്ഷി മുകളിലെക്കെത്തിയ ത്രിശങ്കുവിനെ താഴേക്ക് തള്ളി.. അത് കണ്ടപ്പോള്‍ വിശ്വാമിത്രന്‍ റേസ് ആയി... (ഈഗോ ഈഗോ ). പുള്ളി പിന്നേം മന്ത്രം ചൊല്ലി രാജാവിനെ മേലോട്ട് വിട്ടു. ദേവേന്ദ്രന്‍ അതെ സ്പീഡില്‍ താഴേക് തള്ളി ഈ ഷട്ടില്‍ അടി തുടര്‍ന്നപ്പോള്‍ ദേഷ്യം വന്ന വിശ്വാമിത്രന്‍ മന്ത്ര ശക്തി കൊണ്ട് ആകസമാധ്യത്തില്‍ മറ്റൊരു സ്വര്‍ഗം ഉണ്ടാക്കി രാജാവിനെ അവിടെ സെറ്റില്‍ ആക്കി ... അതാണ് സുഹൃത്തേ .... ഈ ത്രിശങ്കു സ്വര്‍ഗം.
No comments:
Post a Comment